Прашањето обично доаѓа од луѓе што наследиле Joomla сајт и се прашуваат дали да го преселат.
Ќе бидам директен: за нов сајт, во повеќето случаи, WordPress. Но има случаи каде тоа не важи.
Зошто WordPress за нов проект
Луѓе што го знаат. Кај нас далеку повеќе. Ако утре ви треба помош или сакате да смените изведувач — со WordPress имате избор.
Приклучоци. За речиси секоја потреба постои готово решение, обично неколку.
Полесно за клиентот. Објавуваш статија — таа е на сајтот. Без ставки во мени и позиции на модули.
Кога Joomla е подобра
Сложени нивоа на пристап. Joomla има вградени групи и нивоа што WordPress ги добива само преку приклучоци. За сајт каде различни групи гледаат различна содржина, тоа е вистинска предност.
Повеќејазичност. Вградена е, не преку додаток. За сајт на три-четири јазика тоа е поедноставно.
Постоечки сајт што работи. Ако Joomla сајтот е стабилен и содржината е голема, преселувањето е скапо и ризично. Не се менува заради мода.
Ако имате Joomla сајт
Прашањето не е „дали да преселам", туку „дали ме кочи во нешто".
Ако функционира, се ажурира и содржината се одржува — оставете го. Селењето значи нов дизајн, пренос на содржина и ризик да изгубите позиции во Google.
Ако пак секоја промена бара програмер, а никој не сака да работи со него — тоа е вистинска причина.
Ако преселувате
- Направете список на сите постоечки адреси
- Планирајте пренасочувања за секоја
- Пренесете ја содржината пред да го смените доменот
- Тестирајте сè на привремена адреса
Без пренасочувања, сообраќајот од Google паѓа и не се враќа брзо.
Заедничкото
И двете бараат ажурирања, бекапи и внимание. И кај двете најголемиот ризик е истиот: напуштен додаток што стои со години.
Најдобрата платформа без старател станува проблем за година — тоа важи подеднакво.
📘 Целото упатство: Joomla чекор по чекор — со точни патеки во менито, нумерирани чекори и чести грешки.
Ако ти треба сајт направен како што треба — со овие работи решени од почеток, види што нудиме.
Изработка на сајт →